بديت القصــيدة دون رجوى و لا طُمعان
من الي تحــسّب قولة الحــق نكتمها
يا كيف اترجى و الترجـي بلا عنــوان
مع من بغى العزة و نفـسه تحرمها
نساوينها ما تعـــتبرها بأيـــة شـــان
و اوامر عجــايزها هي الي تحكّـٌمها
و انا لي ثلاث سنين و شعري به النقصان
و انا اليوم باقول الحـــقيقة و اتممها
وانا شاعر لساني لي حصاني المنصان
و انا شاعر اقول الحقــايق و اسلمها
فلا خير ف الي لايــمٍ صادق البرهان
و لا خير في شاعر كذوبه يصممها
وانا ان كان اسمي ف سما الشعر ماقد بان
فترى اسمي الثالث سما العز يكرمها
لا بالله مابغــي شـهرة الشاعر الولهان
لكنّ الرسالة في خفوقــي بترجمها
زمان العجايب فيه ما يشيّــب الولدان
و احد هالعجايب حادثة صعب نفهمها
هذا محمد ابن الذيب حرٍ طويل ايمان
سجينٍ لاجــل كلمة و بلاده تجرّمها
الا ليت ابو راشد على كلمته ندمان
لكن عزة النفس العظيمة تحرمها
و انا بطلب العفو القريّب من الرحمن
و من الي لهم باعٍ طويلٍ يقدمها
ومن شيوخ قومٍ لا حكت تنصت الشيخان
مع ان الشيوخ بوقتنا من يعظمها ؟
لا تاسف على حظك وتاسف على الازمان
مدام العزوم عزوم محدن يحطمها
تقول العرب ان السجن معقل الشجعان
و انا اعطيك فوق القول بيتٍ يتممها
مدام السجن قد ضم قبلك مثل راكان
فلا سجنك الا سابقة عز ترسمها
#ناصر_بن_سرور .
.@suroor_8
#شعر #العيد_الوطني_القطري