%أعظم وجع بالحب لاصرت تشتاق%
أعظم وجع بالحب لاصرت تشتاق
للي تحب ولاأنت قادر تشوفه
يكويك (جمر)داخل القلب حراق
زود على ناره تهدك طيوفه
ياصاحبي لو بيني وبينك آفاق
نفسي معك في حاله شغوفه
ماكنت (قبلك)خلف الإحساس أنساق
وإن شفت درب الحب أسكت وأطوفه
لين جاني منعطف سيل الأشواق
بأمر الغرام اللي سطت بي سيوفه
قاومت لكن! خافي الحب ماطاق
صابه صمود زلزل أجزاء خوفه
بغيت أرده بس حسيت بإخفاق!
في لحظه(مد)لكفوفك كفوفه
جالك ولاكنت أحسب الحب دفاق
لين أغرق الخافق وسال بعروقه
أثر المحبه نبضها دووووووووم سراق
دمي وهو دمي بجسمي تحوفه
حاولت أداري حب قلبي بالأوراق
وأثر الورق ماهي أمينه حروفه
سل المشاعر من متاهات الأعماق
وأصبح يفسر كل وضع بوصوفه
يكتب تقارير الغلا وقت الإشراق
وعند المسا يعطيك باقي كشوفه
يا(جامع)حنية الكون بأخلاق
معذور قلبي لو يضمك بجوفه
|
العرض الشجري