لا تعتذر ((سالم جلعان ))

لا تعـتـذر .. مـا صــار منـك أيـة خـطـا= وافــي وزلاتـك .. انـا مـن زلـها

كل الخـطــا .. لـلـي بغى منك العــطـا = أقبـــل وامانيـه بــوجهــك فـَلـها

اللي غــلاك بـداخــل عـروقـه ســطى = اليـن صــرت تـعـلـهـا.. وتمـلـها

وأضحيـت لعـيــونه ذراهــا والغـطـا = واسمك غزى انفاسه الين احـتـلها

مقبــل اســوق اخطاي ياعِجْـلَ الخُطـا = ومقـفي وانا العن رجلي ومن دلها

لـو كـنـت داري كـان سـرّعـت البـطـا = لكـن عــلى ( الله ) الخطاوي كلها

وكانك جزعت اصبر على ثقل الـوطـا = والـلـي عـقـد روس الحبال يـحـلها

الحـــر مِـن نـظـــرته تــرتـاع القــطـا = وطيرالرخم صيحته ما يِفْطـَـن لها

ما كــل من يســرج جـــواد ٍ امـتــطى = ولا كــل ناوي مشكــلـه بيحـلها

ولا كـل مـن داســت حفــاته بالــوطى = واطي ..ولا من ساق روحه ذلها

تدري وش اعظم شي في جوفي شطى = ولا اقــول .. ارتــاح هــذي خلها