أقرب يا سيف ابو حدين

[يام والكبر لله]

خلووووووووها



سلامي تسليمٍ علـــى الكيف مــــا بــه شــــك وعيـــوب
يالله عسى نلقاء تراحيب وقلوب نظيفه

إن قمت لي يا سيف أبمشي معك من صوب في صوب
يــا شـــاعرٍ ميزة بين الثقيله والخفيفه



الهواوي

[ام-عبدالوهاب]

[align=center] هلا وغلا يالهواوي [/align]

والله ماأخفيك يالهواوي دخلت المنتدى على مايقولو طله ويوم شفت التسليم حرام حسبت أني في الميدان قلت لاحول الهواوي ناوي يعفينا من الدوام( هههههه)لكن شفت انك غير متصل قلت نكتب لك الرد الاول الآن و نواصل مسيرتنا غدا انشاء الله.

وانشاء الله أن تكون شلة القافيه ع مافي خاطري..


خلوهــــــا

يامرحبا بك يالمسلم وفعل الطيب محســوب & من روس قومِ وأنت رجلا كفو ماحن نعيفه

أنا معك واللي تريده يجيك بحسن وأسلوب & في نهج بن شـايق وتركي وفيصل وبن ريفه

[يام والكبر لله]

(( سيف ابو حدين ))

شاعر متمكن الله يوفقك والشله صح ولا عليها غبار واذا كنت تباني ارفق لك ملف صوتي علشان تعرف اللحن اللي انا امشي عليه فبشر ما طلبة شئ وانا اخوك

عيني عليك بارده والله يوفقنا وياك يا ذيبان


خلوووووووووها


دام البقاء يا شاعرٍ جزل وأنت تســد وتنوب @ لله درك مــا بعـــــــد جيت بـ أبيــــاتٍ ضعيفه
إبشر بخــوة شاعرٍ مكتسيه من الشعر ثوب @ ومــا كل واحـــد لا كتب بيت شعـرٍ نستضيفه



الهواوي

[ام-عبدالوهاب]

صباح الخير يالهواوي

عيالي زعلو علي قالو أخرتهم في المدرسه أنشد لهم مع الصبح قلت ماهوب مني هذا الهواوي ,أذنبت فيك أفسحني.

خلوهــــــا

البيت يحلى من حلى صاحبه وافي ومحبوب & مقلط الضيفان في صيف ولاّ في خريفه

الله خلقنا للتعارف وحنّا احــــزاب وشعوب & وأرسل مراسيلك وأنا جيك طاير من منيفه

الله يعين الدوام بعيد حول السفانيه ( منيفه)

[يام والكبر لله]

(( سيف ابو حدين ))

مرحبا والله ومسهلا يا ذيبان
وبشرك ما سرحت اليوم للعمل ... مدري هو انا اللي اسهرتك ولا أنت هههههههه
والله يبارك فيك وفي عيالك ويخليك الهم ويخلهم لك



خلوووووووووها


لا تلومني لا صرت بـ أبيات شعرك حيل مشغوب @ ولـــوّك تصدّر عــادِنا با نـــزيد إلك النصيفه
وإن جيت قلنـــا حكمة الوالي اللي ولّــف قلـوب @ إرحب تراحيبٍ عدد من سعى بمكه الشريفه



الهواوي

[ام-عبدالوهاب]

أستلم يالهواوي ..

هذا وسامِ بفتخر فيه وأنتا منت مغلـــوب & أرزاق في بعض الدواوين تصبح لي وظيفه

مافيه فرق يالخوي بيننا كاسب ومكسوب & حنا تشرفنا بكم والرضا في يد ضيفـــــــــه



سوف أتواصل معك بعد مايرحون الضيفان من عندي انشاء الله

[يام والكبر لله]

(( سيف ابو حدين ))

ماهي بغريبه على مثلك وشرواك . مجالسهم منصى للضيف والعاني ومدهال للرجال الطحاطيح ...... من دون قصور بالرجال .
ولا تشغل نفسك بالقصيد وخذ راحتك يا ذيبان .. ومتلاحقين على خير ،،،


خلووووووووها


هيّا حجـــزنا لك على رحلة المغرب بها ركوب @ مير الوكـــــاد إثقل ولا يبهرك ضحك المضيفه
نبغى نشوف اللي غدا عقل غيرك منه منهوب @ آزريت أفهمهم ويجيبون الأعـــــــذار السخيفه



الهواوي

[ام-عبدالوهاب]

سلام يالهواوي أظني تأخرت عليك لسا جاي من الدوام فديتك

(صح اللسانك ياملقوف)

أستلم ...

عز الله أنه صار بين العرب ناكب ومنكـوب & أشفيت فيها يالهواوي وكلن جاب كيفه

ماعاد نبغى عيش ومدهن وقالو زين مقلوب & شوقتني لا صار في غرفتي كيكه رهيفه

[رحيمة]

ماشاء الله عليكم والله شعار من ورانا

[يام والكبر لله]

(( سيف ابو حدين ))

مبطى من جاء ....... ويفداك اللاش
(( صح بدنك يا ذيبان ....... ههههه لاتدقق ))


خلووووووووها


جـــاوبتني وأنتَ كبــير العقــل وذراع وجنوب @ لكن وش قومك على شعفه ورفعه ولطيفه
وبنشدك من بيته من الزجاج ويحذف الطوب @ ويحب يغتـــاب البشر دوووم وحبـاله نحيفه



الهواوي