قصيدة للشاعر متعب الغربي ورد الشاعر مطلق الطايعي على قصيدته
[align=center]
- هذه قصيدة للشاعر متعب الغربي ( رحمة الله ) موجهة للشاعر الكبير مطلق الطايعي
يقول الشاعر متعب الغربي :
العين تشك السهر والصدر يشك الهموم
وانا اشتكي من غرابيل الدهـر كلهـا
ياطير لا وا هنيك لك جنـاح وتحـوم
وأن عفت من شجرتٍ ماجيت في ضلها
وليا جفتك الدير لو إلك فيهـا لـزوم
انهض بصدرك وجنحان السعـد فلهـا
العلم ياطير لو إنـك تصير أمحكوم
وانته تبي حاجـهٍ وازريـت تاصلهـا
العافيـه والسلامـه للبشـر ماتـدوم
والروح ماعاد تـدري ويـش بأقلهـا
يامطلـق الطايعـي ماينفـعٍ العلـوم
كم واحـدٍ حـاول العقـده ولا حلهـا
ياشين طول الصبر ياشين لفح السموم
وياشين دمعة كبيـر القـوم لا هلهـا
هذا زمان الحنادي والرخم والرخـوم
تبـدي تباشيرهـا والوقـت صافلهـا
والله مهما يطيـح الحـظ وإلا يقـوم
اقول عز النفـوس اخيـر مـن ذلهـا
رد الشاعر الكبير مطلق الطايعي , يقول :
اتلوم وقتـك ولا تنـلاّم ياللـي تلـوم
الوقـت سيـفٍ علينـا سلّتـه سلّهـا
لو يشبع البطن زاد وتشبع العين نـوم
ما تشبـع النفـس والعليـا تخيلّهـا
دنياك ياللي على الدنيا تشن الهجـوم
دنياك مخلوقـتٍ لـك ومخلـوقٍ لهـا
العالم أحد وأحد والوقت يـومِ ويـوم
دنـيـاً دنـيّـة تملّلـنـا وبنملّـهـا
يا متعب الغربي البيدا تبيـد العـزوم
واللـي يحمّـل حمولتـه يتحملّـهـا
ما ينّجم راس رجّالٍ يعـرف النجـوم
اللي يعـرف النجـوم اليمّـة ايدلّهـا
منادقٍ بالحكـي ومنـادقٍ بالخشـوم
عاشت عليه أكثر العربان وافطن لهـا
هذا زمان الرخـوم الله يعـز القـروم
اللـي تزيّـن لمزيـونٍ تزيّـن لهـا
مضيّعين المذاهـب مخلفيـن السلـوم
ريال عن دينهـا وريـال عـن دلّهـا
قدّامك تصير رَبع وخلفك تصيـر قـوم
لا جمّـل الله حـال اللـي يجاملّـهـا
توفّر الكذب لكـن الصحيـح امعـدوم
والكذب ما قوّم الساعـة قبـل حلّهـا
وصلتني عن طريق الإيميل واعجبتني القصائد فأحببت ان أنقلها لكم ولكن لي سؤال من هو الشاعر متعب الغربي ؟ , اسمه جديد علي ولم يسبق لي سماعه رغم انه شاعر كبير ( رحمه الله ) , وايضا" لا أعرف مطلق الطايعي , عذرا" منكم جميعا" , شكرا" لكم .
[/align]
|
العرض العادي
