بقصيدة الاسهم
بقصيدة الاسهم
والتي كانت هي ربحي من سوق الاسهم بعد نكبت 2005م
ولله الحمد على الصحه والعافيه
الأسهـم اللـي دمروهـا الهواميـر
يالله عسى تـذري عليهـا الـذواري
في ما مضى نمسك عليها الطوابيـر
وندور اللي يفتـح حسـاب جـاري
مستعجليـن ولتـجـاره مـداويـر
فرصة عمر والسوق سوقاً تجـاري
نلحق قبل ما يشلع السـوق ويطيـر
نبـي نغيـر مـن حيـاة العـزاري
ما ندري اللي صار يانـاس بيصيـر
وتصيدنا التجـار صيـد الحبـاري
عـز الله أنهـم أكلونـا خوابـيـر
وسروا علينا في الليالـي الغـداري
باعوا لنا أسهمهم وراحـوا مدابيـر
وجينا على الجرة نقـص الاثـاري
وطاح المؤشر وأعلن السوق تغييـر
وعقب الخضار أصبح نزولاً وناري
جمـاز خربهـا بكـثـر التدابـيـر
في كل يوماً طاريـاً لـه طـواري
عاند وكابر مثل مـا كابـر الزيـر
وجته الهديـه فـي قـراراً وزاري
والريس اللي باشر بتالـي عصيـر
عن السبب جاهل ولا هـوب داري
وجتنـا قنواتـاً تـعـد التقـاريـر
وحطت عديم العرف فيها استشـاري
في كل يوم التحلـل السـوق بكيـر
ومايـا بزينـات الملابـس تمـاري
واللي يقول السوق فرصه و تدويـر
ومضاربه حـذره وشغلـن مهـاري
ما قالها في بـادي الوقـت تحذيـر
قبل النزول وقبل وقـت الطـواري
الكارثـة حلـت ولابـه معـاذيـر
والمال في سهمـاً ولحـداً بشـاري
المـال راح ولا بقـى فيـه تفكيـر
وناس خسـرت وزمـان أمتـواري
سوق الخساير دمر النـاس تدميـر
وشعب فيه أصبح منتـف وعـاري
كم تاجراً يملـك أقصـور ودنانيـر
واليوم يسكن تحت ضـل الكبـاري
من عقب ما هم من أحساب المشاهير
اليوم في الشارع التضرب بـواري
عـزي لكـن يالمترفـات الغناديـر
من بيعة البسطه بوسـط الحـواري
من عقب منتـن لسياحـه مساييـر
وما تعرفـن الا الشبـح والفـراري
بعتن ذهبكـن والكحـل والمناكيـر
بغيتن اتجـاره وصرتـن جـواري
أحوالنا وحوالكن مـا هـي بالخيـر
تشكون من همن على الحال بـاري
رزقن زهيد وراح مرواحة الطيـر
وما ضنتي حظي على الربح ضاري
قنعت بالددسن ولـو مـا بهـا قيـر
ولاعاد به لكـزز ولابـه سفـاري
ونقـل الورعـان مثـل العصافيـر
والبيت ما يبنيـه قـرض العقـاري
ياللي تبي الراحه وتسلى عن الغيـر
وفرقا السفيه اللي على الناس زاري
تبعد عن الشمات وصويـر وعويـر
اللـي لنقـال النمـامـه يـبـاري
راحتك في قنطـوش ذودا مغاتيـر
ترعابها غفر العشب فـي البـراري
ترفع لها بالصـوت ورد ومصاديـر
لادرهمت لـروض تبغـا الخبـاري
هذي حياة اهـل الكـرم والمناعيـر
اللي على **ـب الفعايـل تمـاري
ابرك مـن رزقـن وراه الهواميـر
تمرح غني وصبح طفـران عـاري
|
العرض العادي
