عرض مشاركة واحدة
   
 
قديم 12-04-2009, 01:03 AM رقم المشاركة : 1
معلومات العضو
ضيف نرحب به

إحصائية العضو






 

درع نجران غير متواجد حالياً

 


المنتدى : منتدى الشعر
افتراضي من صد ضيفه وسُموه ابعاره

فّراش وطالب مشرفين إداره=يعني النتيجه مدرسه وهميه
لازم توثق من عقيد الحاره=ولا اتحول مدرسه لليليه
طالب مُعذب ماسك(ن) دواره=يبحث على خط النهايه ليه
بيت(ن) على شاطي يطيح اجداره=إن مابُني بالصوره البحريه
ماتفتح الصفحه بدون الفاره=لازم مدرس يضبط الوزنيه
الجود ضيفانه تجي في داره=ان كان داره بالكرم مبنيه
يمدح ويكثر بالسنه زواره=ويزيد ربحه مية(ن) بالميه
من صد ضيفه وسُموه ابعاره=على جبينه والعلامه كيه
يااخوان ماني من لعب بزباره=من شان اعكر جوكم بيديه
قصدي ابين للرجل مشواره=من دون مااظلم والطهاره نيه
انا موجه للشعر مسفاره=إني اقول الحق بالهجريه
عندي شهاده جاتني بجداره=وموثقه من صاحب الوسميه
شعري يناطح بالفضاء واقماره=ماهو يناطح في قناه ارضيه
الشعر له قوم(ن) كما الصقاره=وقت الهدد تلقى لها ماريه
يالابتي وان جاء بداري غاره=صوت البنادق طيح الشبريه
ربعي صناديد الوغى كراره=نجران داري من بطن ياميه
الوايلي درع الحُمى واسواره=الليا كبر شان العدو بالجيه
ويقودنا شيخ الهدى ووقاره=اطهر رجل في الكوره الارضيه
المكرمي تشفي الصدور انواره=في حكمته مافيه واحد زيه
وان عودت مابيننا ياجاره=فانا من اصل(ن) بارق(ن) في ضيه
من حارثي(ن) جد ابوه اشعاره=عند المعارك والقصايد حيه
وإن جاهل(ن) رايه بدى بصراره=يعني ترى تلعب به الجنيه
الله يابعض البشر غداره=إن غبت عنها تنقلب كالحيه
اعقب اذا انا ماظبطت الحاره=ولا تركت المدرسه الوهميه








آخر تعديل قلب نجران يوم 01-18-2010 في 01:29 AM.
رد مع اقتباس