عرض مشاركة واحدة
   
 
قديم 12-08-2009, 11:08 AM رقم المشاركة : 233
معلومات العضو
شـاعـر

الصورة الرمزية يحيى مليح ال بالحارث

إحصائية العضو






 

يحيى مليح ال بالحارث غير متواجد حالياً

 


كاتب الموضوع : يحيى مليح ال بالحارث المنتدى : شعــــــــراء بـالحــــارث
افتراضي قصيدة مشاركتي بشاعر المليون 4

مشاركتي بشاعر المليون كانت عباره عن القصيدة التاليه وهي رسالة الى الشيخ محمد بن زايد آل نهيان ولي عهد ابو ظبي والقصيدة نشرت في مجلة حقائق قبل شهرين وفي صفحتين كاملتين وقد اتصل بي اخوي الشاعر والاعلامي القدير/ مهدي مسفر الحبابي رئيس مجلس ادارة المجلة وصاحب الامتياز وقال لي بالحرف : يحيى المجلة اصدرت ثمانية أعداد واول قصيدة ننشرها بصفحتين هي قصيدتك هذه وشكرته وقبل شهر تقريبا شاركت بشاعر المليون النسخة الرابعة ويعلم الله اني ماكنت ناوي اشارك لولا اصرار اخوي الغالي الشاعر الكبير/ صالح آل كحله المري اللي اصر اني اخاويه للكويت ونشارك يعني ماكان فيه تخطيط مسبق وكما ذكرت في رد سابق القصيدة ولله الحمد نالت استحسان واجازة اللجنة باالاجماع ويضل التوفيق بيد الله عز وجل
ملاحظة :البرنامج عرض لقطات من مشاركتي وبالاخص البيتين الاولين والكثير حكم على المشاركة من خلال البيتين فقط

صلوا على النبي


أسمّي أزمة الرهن العقاري أزمة الغالين=واتابع سوق الاسهم واتمنّى دوم نكساته
واقول الله يزود سعر (خام برنت) للتسعين=عشان(الرنج) يتعثّر وتتأثر مبيعاته
يقولون ان وكالاته تبث إعلان من شهرين=مفاد إعلانها عرض(ن) يسهل حيل مشراته
تجي وتجيب لك تعريف بالراتب معه الفين=عشان تخلص إجراءات تأمينه ولوحاته
وبعد تركيب لوحاته يبي لك (بنقلاديين)=يرشونه بما مقري على بديه واطاراته
بعدها امسك(الريموت) ثم رسم ورسم زين=ثم اضغط كلمة (الاوبن) تغمز لك فلاشاته
اشبه غمزته غمزة وسيم مربرب الخدين=تطيح الفاتنه والبنت تخجل عند غمزاته
ترفق افتح الباب وتعلم فتحت الصبعين=ترى تبطي قبل لا تتقن برستيج فتحاته
والا منك ركبت احرص تمد ايدينك الثنتين=وحاول قد ما تقدر تراخى فوق اسياته
ثم اضغط زر تشغيله تحس بهيبه الراهين=ولاتنسى قبل تمشي تعدل في مراياته
والا منك نويت تمرّنه ثبّت على الستّين=عشان البستم يحافظ على قطره وقاباته
توكل الزم الخط السريع ونصّه الوافين=رجال(ن) تكرم الضيف وتوصّي في محاتاته
سمعت كثير عن (زايد) وعن فرقه عن الباقين=وسمعت كثير عن شيخ(ن) ورث طيبه ولمحاته
(ولد زايد) (ابو خالد) أصيل معرّب الجدّين=تنشّد قصره العامر ووقّف في طبيلاته
وقلّه بيرق (ابن فطيس) شرّف ربعه الادنين=لانه بيرق (محمد ولد زايد) ومدّاته
نصاك الشعر يامحمد وجنب غيرك الهافين=الين اصبح سموّك عقد لول وماس بابياته
وانا شاعر ولك حق(ن) على ارد بعض الدين=لانك انتشلت الشعر في لحظة نهاياته
وسلّم لي على( ام الامارات) وعلى اهل العين=وعلى سبع الامارات وعلى (زايد ) وصفحاته
ورجّع موتري صوبي ( وانبيره) على الستين=وإذا به علم من صوب الشيوخ/ فزيد سرعاته






التوقيع



آخر تعديل يحيى مليح ال بالحارث يوم 12-08-2009 في 11:16 AM.
رد مع اقتباس