عرض مشاركة واحدة
   
 
قديم 12-05-2009, 10:51 AM رقم المشاركة : 1
معلومات العضو
كاتب مميز

إحصائية العضو






 

وطن بالحارث غير متواجد حالياً

 


المنتدى : الشعر المنقول
افتراضي حزام الحضرميه -عادل كزمان بالحارث

اقبلت مثل البياض اللى شلح سود البلاوى=كنّها خْطاها تتل اخطاى والذمه بريّه
قلت ياعينى سموم القيظ يجرح مايداوى=قالت اقصرها وجنّب عن دروب الوايليّه
ماغصبت الحيل يمّه كود انا ياعين ناوى=ودامها رجلى قويّه سقتها ورجلى قويّه
ومن لمح بنت العبيه تصهل بصدرٍ سناوى=مايقول الا سرينا والوعد بنت العبيّه
اذكر انى من صغر سنّى وانا طفلٍ هواوى=اعشق غصون الجدايل عالمتون العسجديّه
واعرف المزيون الاكحل من ورى سود الغطاوى=ولايعذربنى سوىحب الغنوج اليعربيّه
مهرةٍ جفلا خذت عقل الغمر واقفى حياوى=لالمح زول ايتمايل قال مالى فيك نيّه
تهتها بين العطر والعقد وادميت الخطاوى=واثرها مابين حد الموت تلعب سامريّه
رحت اسايرها على حد الخصر واقفيت عاوى=ليتنى لارحت اسايرها ولاجبت العويّه
قالت البنت الشليّه من ظهر شيخٍ شلاوى=والشليّه لاعطت ميعاد ماعادت شليّه
رح فمان اللى فتح بيته لطلاّب الدعاوى=والذكى لاخانه امخيخه يدوس النار حيّه
كنّى اللى فاقدٍ له عزوةٍ بين العزاوى=لا يمينٍ ينتخيها ولاشداد ولامطيّه
ياحزام الحضرميه شدّنى بين الحقاوى=لاتعيب اليوم فينى ياحزام الحضرميّه
ويارجيلى لاتهدينى وانا دربى خلاوى=ماخبرت ان الشفيّه يوم تبرا من شفيّه
لانى ابتاجر ولاشيخٍ انا ماغير شاوى=اسرح بضانى واوردها على روض اجنبيّه
الشقاوى يابعد حالى على خبرك شقاوى=لو ابيه الريح وامه من سحايبها هديّه
والهنوف اللى جفتنى من عقب ذيك الغناوى=مانى بشاره عليها كان ماتشره عليّه
ول ياليل السموم اللى لفح شفّة مهاوى=ياعساالله لايعيدك يالليال الجرهديّه
اقبلت مثل السواد اللى فضح جمر الكساوى=وارحلت ماكن بين الغيم والقاع ابدويه








رد مع اقتباس