لبّيت ياروض القصيد الدّعوة =ياللي غلاكم نابت(ن) في عيني
مارحت ادوّر لي عذر والعنوه =من منطلق فكري تأثّر فيني
وذا الأمسية شعر وقصائد نقوه =في حضرة اللي جيّته تعنيني
خليفه بن احمد حكيم الخطوه =نسل الشيوخ معرّب الجدّيني
وسعادة النائب بعيد الهقوه =سامي البحيري مسكنه جفنيني
ومن دار ابو متعب لفيت بنشوه =يم المنامه والشعر يدعيني
يقول يا يحيى بيوتي فدوه =للي حضر يا مرحبا الفين(ي)
وينتابني في هالدقايق منوه =انّي أقدّم كل ما يرضيني
والا تراني بعتبرها كبوه =ومن الأماسي ربّي بيغنيني
وان مازرعت فذا الوجيه الحلوه =الإبتسامه ليه مستدعيني
واللي معايا اعتبرهم صفوه =اخوي فهمي والدماني بيني
واختي شجون اللي تقود الصحوه =واخوي ابو انور رفيق سنيني
والشعر. يا ساده غلاف وكسوه =لاحساس مرهف ساكن بضلعيني
أحس به دايم يعبّي فجوه =مابين احساس(ن) ربط قلبين(ي)
ماهو بقولتهم مجرّد نزوه =الشعر أرقى واسألوا يدّيني
لا قلت لي بيت وكتبته أسوه =باحساس شاعر دايم(ن) مشقيني
صفحات ديواني تأذّت أذوه =من كثر دمعاتي بدت تطويني
اقوله وأرفض يغنّى غنوه =لاني أخاف ان نارها تكويني
يكفيني اتحمّل ذنوب وبلوه =يارب أغفر لي وثبّت ديني
ولا جيتكم ياهل المنامه غدوه =لا تسألوني عن سبب جرحيني
لانّي أخاف دموع عيني عنوه =يمكن تهل وتنجرح خدّيني
شبعت من سود الليالي قسوه =واحس ان جسمي ظلم رجليني
وبادعيك مابين الصفا والمروه =يارب أرحمني وثبّت ديني