الموضوع: فضفضت لي؟
عرض مشاركة واحدة
   
 
قديم 12-08-2009, 07:31 PM رقم المشاركة : 1
معلومات العضو
مشرف عام

إحصائية العضو






 

متروجانا غير متواجد حالياً

 


المنتدى : منتدى الشعر
افتراضي فضفضت لي؟

السلام عليكم ورحمة الله وبركاته

هناك وصف لغرابة متذوق الشعر وهذا الوصف هو السائد حالياً على الاكثرية
أحياناً نسمع قصيدة ومن شدة الاعجاب بالقصيدة وبدون مبالغة بالكثير رابع مرة
نسمعها تكون محفوظة ونرددها من وقت الى وقت، في بعض الاحيان اول ما نسمعها
ما ندقق على الشاعر من هو بس بعد فترة يبدأ التساؤل لنبحث عن قصائد اخرى لهذا
الشاعر، هذا الوصف مر علي شخصياً (المترو) في كذا قصيدة ومن القصائد هذه
قصيدة (فضفضت لي) للشاعر ناصر القحطاني اعجبتني فعلاً قصيدة تستاهل
المهم انا ما دققت على الشاعر بس بعد فترة بحثت في قصائده الشهادة لله
هذا الشخص شاعر لكن حصلت له قصايد يمدح اشخاص فيها والاشخاص ذولا
الصراحة ما يستاهلون المدح وسببوا معاناه لكثير، يعني مدح ناس ما تستاهل
ولكن ما ندري شضرفها، مع السؤال والقراءة عن ما يكتب في الشاعر وجدت
انه اجمع الكثيرين على مصداقيته في قصائده وهذا السبب في عدم ضهوره
وهو بهذا المستوى من الشاعرية علماً بانه يوجد شعار اقل من مستواه بكثير
لكن ضهروا اعلامياً، آسف طولت عليكم الشاهد اني ما نسيت القصيدة هذي:


فضفضت لي عن سواليف أمها اللي كدرتها=والحزن مثل الحسن لا مر لازم ينوقف له
جت تفلسف طفلةٍ مكياجها من فلسفتها=كملت عشرين عام ولا تزال اليوم طفله
يشبع الخلخال والسلسال جايع في رقبتها=خيزرانٍ لينها بين إنتباه وبين غفله
ودي أدري لا مشت بشعور الارض اللي تحتها=وإن تثنت قلت وين اللي يقول ان الترف له
آه لولا خصرها قلت اسرفوا في تغذيتها=ما افقره بين النعيم ولا يبي من ينتصف له
حاجةٍ تطري عليها جايبتها جايبتها=نسمةٍ ما تعترف بالباب والحارس وقفله
قلت وش ذا اللي خفق بين الضلوع من أولتها=قبل اقول الضيف جاك اثره فتح كل الغرف له
يوم قدمته لها ليلة سرت بي سلهمتها =قالت اتشرف بقلبك يا فتى قلت الشرف له
وطرت مع سرب الحمام اللي طلع من حنجرتها=ساعتين وهي تسوق الرمش وابصم واعترف له
تجذل انفاسي وإلى حست دفاها كسرتها=واطلقتها للهبوب بكل طيشٍ تنجرف له
لين بآخر طيشها قصيت أظافر شيطنتها=لا تشح بكيدها الا كيدها بن آدم ضعف له
نسنست عصرية الجمعه وهي تقرا بختها=بين جمع من العذارى كل شيٍ منكشف له
كل ما جن يمشطن شرطانها اللي تعبتها=سمعوها من قصايد خلها اخر من عرف له
ولدّت لحلمٍ تدور له وتنشد منظرتها=لدّت لبروازٍ أسود دمعها يا ما ذرف له
لدّت توصي مكاتيبٍ قبل ما زرفتها=ضمنتها الغاليه دمعة وداع وعطر حفله
قلت أراضيها وجيت وجات والدنيا ملتها=والغزل دار ولقى المشتاق مشتاق يعزف له
كل ما زوّدت وردي السوالف أخجلتها=وكل ما زاد الحيا قلت الحلو وش ينكسف له
قالت أمي تفتكرني طفله وتظلم بختها=صح أنا ماني بطفله صح أنا ماني بطفله

وسلامتكــــــــــم

اتمنى تعجبكم مثل ما عجبتني هذه الرائعة لناصر القحطاني.








التوقيع

" المرء نتاج أفكاره ،،، فما يظنه المرء بنفسه سيتحقق "
رد مع اقتباس