القصيدة الأولى:
يا الله يا منشي حقوق المخايل=يا عالم(ن) يعلم أسرار الطبيعه
تحفظ حدود الوطن من كل عايل=ومن النفوس الدنيه .. والوضيعه
لي صار حب الوطن شعر ومثايل=بالحب .. تآصل مشاعرنا سريعه
هذا الوفا .. والوفاء فينا خصايل=عهد (ن) نجدد ولانا.. كل بيعه
فينا الولاء ثابت(ن).. ما هوب مايل=ما مال لو ما لت جبال الوسيعه
اليا دعانا .. نجي وقت الهوايل=نرخص له الروح والغالي نبيعه
هذا الوطن .. لي بدى هرج الصمايل=عهدٍ نحفظه مثل حفظ الوديعه
رايته ترفع.. علي روس النثايل=و دايم على قمه العليا رفيعه
في ظل ابو متعبٍ(ن) .. ذرب الفعايل=رام الفخر وأعتلى روس الطليعه
الحاكم... اللي شبر يمناه طايل=رجلٍ يحكمه على حكم الشريعه
وبعده ولي العهد راعي الجمايل=
سلطان لي طوع... الصعبه تطيعه
الوافي اللي.. لكسب الطيب نايل=
فيه الكرم والوفاء طبع و طبيعه
انا أشهد ..أن مالنا عنهم بدايل=تحت أمرهم للوطن ناسٍ مطيعه
وحنا فدى للوطن ..حضر ..و قبايل=
دون أرضه دروع وحصونٍ منيعه
واللي على ارضه نوي فعل الرذايل =يا الله جعل موتته موته شنيعه
والختم صلو عدد قطر الهمايل=
على النبي سيد الكون وشفيعه
القصــــيده الثانية:
ياوطن لك سلامٍ مثل فوح العطور=عد ما أرهت مزون الوسم همالها
في قيادة سليل المجد وافي الشبور="آبو متعب" مليك الدار وآمالها
يفتخر فيه شعبه.. والوطن به فخور=فيه تزها المعاني وأجمل أمثالها
قايدٍ للسلام وله فعايل ودور=في سبيل الوفاء والخير وأعمالها
هيبةٍ ترهب آعداها وفعل مخبور=كاسب اللي تعب غيره ولا طالها
ولولي العهد منا سلام يفور=بالوفاء عد ما هلت من خيالها
نحمد الله على النعمه ولا به قصور=في كنف دولة التوحيد وظلالها
في ذرى آل السعود أحفاد نسل الصقور=أسرة في عيون الشعب منزالها
ياوطن خبر اللي فوق حدك يدور=لي نوى الشر جاتك فزعة رجالها
والله إنا نرد الكيد وسط النحور=لك رجالٍ تبيع الروح وآموالها
لي غزانا المعادي صار حظه دبور=نكسره والهزيمه يسحب أذيالها
صادقين الولاء من ماضيات الدهور=ثابتٍ في قلوب الشعب وعيالها