سلام مني لهل الوفا رمز الفخر
السلام عليكم ورحمه الله وبركاته
وشحالكم ؟ كلاً باسمه
حبيت أشارك ربعي وبني عمي بهذه القصيدة المتواضعه جداً والتي يستحقون أكبر واجمل منها
ولكن القدر بالصدر ومعزتكم بالقلب الله يجمعنا وياكم على ما يحبه ويرضاه
وقول
مريت أنـــا الشـــــايب اللي ماله عقوق
قال أش معي قلت أنــا أبشـــر بالعطيّه
قم هاتِ لي من البيوت وسوقها ســوق
ثم خص فيــــها ( بني عمــــك ) وليّه
قلت أبشرو بالقــوافي وحسن منـطوق
أبيـــــــات متناسقه تــــــــــاتي ســـــويّه
يالله عسى ذا الفـــكر يـــــروق وروق
ومــدح ( شغاميم ) بأبيـــــــاتٍ نقيّه
ســــــلام مني على ربعي هــــل الـذوق
ذوّاقــــة الشعــــر في صبـــــح وعشــــيّه
ســـلام مثل الرعــــد ممــــــزوج ببروق
برقٍ تلاتلا مـــــعْ صـــوت الراعـــديّه
وخص به من تعلو بالسمــــــــاء فوق
في عهـــــدنا ذا وبعصـــــــر الجــــاهليّه
صبيان ابلحارث اللي تلـــــــزم حقوق
وللي تعاداهــــــا حـــــــد الحضــــرميّه
من ماضي الوقت هم للخصم خازوق
و أهل الوفـــا والكـــرم وهـــل الحــميّه
واللي جهلنـــــا تـــــرى مبلي وممحوق
وكــــل المواقف تراهـــــــا حـــــــارثيّه
نجـــران حن شمسها وذا علــم موثوق
نجـــران يشــــهد وتشــــهد كـــل هيّه
كبيرنـــــا دايمـــــاً ما هـــــوب بمسبوق
وصغيرنــــــا في يـــــده جمـــــــره لضيّه
فينا الوفــــــا والكرم ممشاه بعـــــروق
ومـــاحن من اللي هرج لقفى خــــويّه
مـــــا فيه شئٍ صعيبٍ عنــده يعــــوق
ومكـــرّم الضيف ونــــــاره دوم حـــيّه
نجران (للحارثي) عــــاشق ومعشوق
وما يقبل أهل الوشا وأهـــــل الإذيّه
في ظل أبومتعب اللي حط لـه طوق
طوقٍ منيعٍ مــــــا يقبل كـــــــل ســيّه
وزآن بـ أميرٍ يبوق قلـــــــــــوبنا بوق
في حبّه اللّي مـــــــــا فيه اليـــوم زيّه
سمّعتها شايبي وفي خــــــاطري شوق
ثمً تمعن في هــــــاذي .. ثـــم ذيـــّــه
وقــــــال
لو منت حولي لقول القـــاف مسروق
لكن قافـــــــك حصـــــل لي في شويّه
قلت
ماني بشاري الشعر لو كـــان بالسـوق
إن كـــــــان مــــا يكتبه فكـري ويـــّـديه
مرات شاعر غزل ومــــرات مطفوق
ومــــرات أبــــهجي وقــــــدمها هــديّه
ماني من أهل البدو مير أعشق النوق
وداحم القــــــــوم بجنـــــــــوبٍ قـــــويّه
وكل القبايل لها من المـــــدح ملحوق
وكل القبايل لهـــــــــــــــا روحه وجيّه
تمت وصلـــــوا عليه هو خير مخـــــلوق
( محمد المصطفى ) في كــــــــل نيّه
وسلامتكم جميع
أخوكم / الهواوي
ملاحظه : سوف يتم ادراج الملف الصوتي للاستماع للشله لاحقاً بعد رفع الملف
|