يا أمير تكفى وصّل العلم يا أمير
و بلغ ملكنا قبل يمضي قراره
وصّل سلامن فاق كل التصاوير
فيه الولا والطيب كاسب وقاره
وقل له ترانا في يمينه طوابير
صفوف حربٍ بس رهن الاشاره
وقل له عن اللي صار حسب التقارير
و اللي صدر من صوبكم في الوزاره
نرضى بحكم الله .. رب التدابير
ونرضى بقوله دون أي استشاره
فقل له ترى نجران دون المعاذير
تبكي على اللي معتلي في الصداره
تبكي على مشعل زبون المخاسير
مشعل حفيد اهل السطر والنعاره
اللي كسبنا في مجيّـه تباشير
وفي روحته نجران تبكي خساره
لكن عزانا في صدوف المقادير
والا غلاه يزيد في كل تاره
وأميرنا اللي جاي حيّـاه بالخير
وقلوبنا شرحه ترى الدار داره