يكلمني عن ..{ جرووحه ...!
 

http://www.5foq.com/vb/uploaded/41257_01214509115.jpg




يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه


ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله


كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله ,

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,
لا هو " ميت ".. ولا " عايش " .! ووالله إن مـااات أشواله

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جَياته ....... يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!

من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه .

مشكوره مون كلماات تعبر عما في القلب وانا شخصيآآآ راقت لي بالحيل

يعطيك العافيه ومشكور على المرور

قصيده وكلمات جميله ...شكرا لك

الأجمل حضورك بالصفحه تسلم لاهنت

مووون قصيده رائعه لا مستى بها كل ماهو جميل
احساسك فى هذى القصيده كان بعفويه
روحك المرهفه
ونحنو هنا تخيلنا كل شى وعشنا مع قصيده
بروح البراءه
الابداع دائما نلامسه فى كل ما تكتبين
وتبوحين به
ننتضره كزخات مطر تتدفق لتروى عطش
كل ما هو ضميان لمناجاة من يحب
بطريقة موون
دمتى بود

كل الشكر والامتنان على روعت بوحك

وروعت مانثرتي


سلمتي على روعة طرحك


دمتي بخير

نواف ونجديه منورين الصفحه بوجودكم مشكورين ع المرور