::منتديات بالحارث سيف نجران ::. - خلقت في الدنيا وأنا ما معي شيّ وبروح منها ما معي شي منها

[align=center][grade="00008b 0000ff 8b0000 0000ff 00008b"]قصيدة للشاعر: مبارك بن فايز البخيِّت آل محمد السبيعي

وقصة هذه القصيدة كان الشاعر مبارك بن فايز البخيِّت السبيعي في منطقة بحرة محافظة جدة عام 1395هـ

وكان بيته مفتوح لجماعته وجميع من يقصده، وفي احد الايام سيّر عليه مسايير من جيرانه وأبناء عمومته وقاموا

ينصحونه عن الكرم وكان يسوي لهم القهوة على النار ودق البهار في النجر، وهو يهوجس من كلامهم وبدل ما

يحط البهار في الدلة حطه في البراد فانتبه له بعضهم فقال له: وش بلاك يا البخيّت عسى ما شر؟

تراك خربت الشغلة! قال له: لا أنتو اللي خربتوها

ومن الغد قالوا له: الهوجاسة اللي بالأمس جات لها بنتايج، فقال: نعم.

وفيها قال هذه القصيدة المشهورة:[/grade][/align]

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سجه مع الهاجوس طبيعةٍ ليّ=طبيعةٍ بموت ما جزت عنها
أشكي على الخلاق وارفع له إيديّ=لا كثرت الأفكار يفك منها
أما الكرم قد فاز به حاتم الطيّ=حتى الفرس من شان ضيفه طعنها
خلوني أكرم في حياتي وأنا حيّ=ولا مت مدري جثتي من دفنها
خلقت في الدنيا وأنا ما معي شيّ=وبروح منها ما معي شي منها
مسكين ياللي تحسب الواجد شويّ=والعافيه لو تنشري وش ثمنها
يا جاهل الدنيا تراها كما الفيّ=يا مخبل اللي في حياته ومنها
إن ناحرت لك قامت تروح وتجيّ=مثل الذلول اللي طويلٍ رسنها
وإن أدبرت خلتك طايح ومرميّ=وكم واحدٍ له حاجةٍ ما ضمنها
لابد ما نرحل عن المزح والغيّ=ونسكن بيوتٍ قبلنا من سكنها
النفس مثل الغصن عايش على الريّ=ولولاه كل الناس عافت وطنها
يالله عسى الحسنات تقضي على السيّ=لا قربوا للنفس ذرعة كفنها[/poem]