::منتديات بالحارث سيف نجران ::. - صلب حارث وكلن يفتخر باصله (محمد ديجم بالحارث )

شيلة : ما يجيب النصر والعز كون الله
⠀
كلمات والحان الشاعر / محمد ديجم بالحارث
أداء المنشدين / علي عسلان بالحارث
ودرمان مانع بالحارث
⠀ ⠀ ⠀
⠀
الكـرامه وعزّ الـنفـس والـرجله
ما نـسـاوم بـها ولا .. نـخليها ..⠀
⠀ ⠀
والمهـانه وضعف النفـس والذله
والعـلـوم الـرديّـه ما .. ندانيها

ودون حد الوطن والعرض والمله
ترخص الروح والدّنيا .. وما فيها

والعدو تبّت إيديـنه وتبا(ن) له
رجلـه لموته اتعجّل .. خطاويها⠀ ⠀
⠀
والله ان مـا يفيـده حقـده وغله
نيته غاويـه وابليـس .. مغويها

ووالله ان ترتوي من دمّـه السله
لا نوى نيّة(ن) ما هـو .. بقاويها

الخطـر ما نهابـه دقـّه وجـله
والغـدر يده نعطبهـا .. ونلويها

حن سيوف(ن) لطاري العز منسله
دون نجران حصن(ن) يا معاديها

نحتـزم لا غـدى مـن دونهـا خله
وان بدت للنصر دعوه .. نلبيها

وحن لهـا والعمـر يفنـا لهـا كله
درعهـا اللي يذود بعون واليها
⠀
قالها شـاعر(ن) قـوله مثل فعله
ينظـم ابياته الجزلـه .. ويبنيها

صلب حارث وكل(ن) يفتخر بأصله
جمرة(ن) للعـرب يـاللي تكنّيها⠀
⠀
قيل بيت(ن) قديم(ن) يبري العله
والبيوت الكفو محد(ن) بناسيها⠀
⠀
ما يجـيب النّصـر والعزّ كون الله
والرجاجـيل لا شـدّت حقاويها ⠀ ⠀
⠀⠀ ⠀