هذه القصيده مسندها ل (حمود بن فهيد السبيعي ).....
 

هذه القصيده مسندها ل (حمود بن فهيد السبيعي ).....
وشكرا....


ســــلام و المقصد تحيه و تقدير
و عـــــداد ما لاحت بروق المخايل
للصاحب اللي مايجي منه تقصير
ولد عريب الجـــد و الشـــك زايل
ربعه سبيع امن الرجال المناعير
اللي لهم وقت الجـــمايل جمايل
مسكين منهو يحسب ان لابته غير
ما يعرف الغلـــبا بوقت الصمايل
لما كثح عج الرمك فالســـــعاطير
تلقا سبيع تشوش شوش الطوايل
راية على قمة جبل كنـــــــها طير
خفّـــاق بالجنح الطــــويل المهايل
كنه حمـــــا رنيه من الذل و يجير
رنيه من وجيه الردا و الـــخمايل
ثم رد عدوانه بنضـــرة و تحذير
عن ديرة الخرمه ديـــار الحمايل
هذي سبيع اللي تمد العطا خير
المـــده الجـــزله عليـــــهــا جزايل
ي حمود يبن فـــهيد مــــكانتك غير
انت الخوي اللي ضفر شبر طايل
صبي فهيد اللي يســر المناضير
خلّف رجالٍ كالسيوف الصقايل
يقولها من يام شاعر مناعير
من يام لي جت فاللزوم الهوايل
من صلب بالحارث ولا فيه تقصير
ربعي هل الوقفات واهل الصمايل
ولما كثح عج الرمك فالســـــعاطير
تلقا سبيع تشوش شوش الطوايل

الشاعر : احمد مهدي عسلان بالحارث