بنوراما للشاعر أبو هياف ( فارس عيبان)
 

[align=center][frame="9 90"]لامن زمانك شان و أضناك بالحيل
و تزايمـت فيـك الهمـوم الثقيلـه

ارفع يدينـك بالدعـاء و التهاليـل
و إخلص رجاك لواحدٍ نرتجي لـه

كم واحدٍ عانى عـذاب و غرابيـل
تسعفه رحمة من يسـوق المخيلـه

أيوب شف أيوب عقـب البهاذيـل
بالصبر و أسباب الدعاء زان ميلـه

في قصته أسمى المعانـي و تمثيـل
للعابـد اللـي فـي يقينـه دليـلـه

و اللي توكل لـه مـن الله توكيـل
ويفرج عليـه بقدرتـه ثـم يعليـه

بس أنت داوم بالدعاء واقنت الليـل
وتلقى الفرج من عبقها لك حصيلـه

ولا تقنط الرحمـه ترهـا تساهيـل
ولا لا تقول إن كربتـك مستحيلـه

ورافق كتاب الله قرايـه و ترتيـل
فيه الشفـا للنفـس لاهـي عليلـه

من بعدها دور ما بيـن الرجاجيـل
اللي على مـا قيـل يسـوى قبيلـه

خله شويرك في الليالـي المقابيـل
وإترك هذاك اللي يجـض بعويلـه

ترى الرجال أنواع مثل المحاصيـل
شـي ٍ يفيـد وشـي يتـرك نثيلـه

وإما لقيت الحل مـن راس حلحيـل
والا تـراه بيسنـدك يـا زميـلـه

ويسخره ربك على الهـم و الويـل
ويكون لـك مثـل البـرد فالمليـه

وإحرص عليه إن حده الجور والميل
وحذراك تنكـر يالسنافـي جميلـه

ترى الجحود أمقت طباع المهابيـل
ومن لا يحسب الدايره مـا تجيلـه

وإزباد هرجي في سيـاق التماثيـل
ياللي غشاك الهم وأزريـت شيلـه

قربك من الله مع مخاوى المشاكيـل
هي في جلا ضيم الهمـوم الكفيلـه

فيا راكبٍ مـن عندنـا بالمراسيـل
إ سر وتوكـل بالـذي ننحنـي لـه

اكفـخ هَمـام ولا تهـم العراقيـل
من فوق ما تطوي المسافات ويلـه

سمـي (بنورامـا) تميـز وتدليـل
عـن كـل مركـب وردوه بمديلـه

ساعة تشوفه يسلب العقـل ويهيـل
منك العيون الشاخصـه و الذهيلـه

ويبهرك في شكله وأدق التفاصيـل
صمم لأصحاب السمـو والفضيلـه

وأكبر طموح أهل الترف والمناويل
وحلم القنوع اللي قصر عنه حيلـه

لبليتتـه قيمـه و معنـى وتفضيـل
لو هي مجرد لوحـة(ن) مستطيلـه

تفضيلها بحروفهـا عنـد تسجيـل
مليكيته يوم أنشـرى مـن وكيلـه

فيها حروف أهل القَـرى للمداخيـل
(ي ا م) الكرام معدلـة كـل ميلـه

وما مشتـراه اقصـاد وإلا بتمويـل
مدت كريم إليـا عطـى زاد كيلـه

من لابتي أهـل القنـا والمصاقيـل
آلاد حارث بن كعـب راس جيلـه

خلقـوا نـداد الكايـده والمثاقـيـل
وللطيـب منبـع سايـغ بسلسبيلـه

وإن عقدت روس الفتل والمحابيـل
بأفعالهـم فـل العقـد و الفتيـلـه

عليه يالمنـدوب مـن دون تأجيـل
ملفاك أبو مشاري عريـب السليلـه

نعم الخوي (حسين) من ترثت قفيل
صلب القشانيـن الزحـول النبيلـه

قوم ٍ تعلوا صهوة المجـد والخيـل
و ياكـم تراكـوا للجسـام المهيلـه

في طيبهم وصف السحاب الهماليـل
وفي باسهم سقـم الكبـود المغيلـه

وإن جيت للشور المحكحك قناديـل
تجلا العسـام و للغـداري محيلـه

كبيرهم مـا شبهـه كـود بسهيـل
تشبيه واقـع مختصـر لـه دليلـه

دليله إن المرجله ورث مـن جيـل
مضـي بكسـب علومهـا والنفيلـه

وجدودهم ما ورثوا غير مـا قيـل
عنه الفخر والعـز واسبـاب نيلـه

ويا كثر ما هم سطروا من أفاعيـل
ترقى بهم حـد السمـاء كـل ليلـه

فلا جيت أبو مشاري رفيع المنازيل
ورَحَب عقـاب النايفـه والطويلـه

سلم عليه إعـداد رمـل الغراميـل
و عد المطر واعداد ما سال سيلـه

سلامٍ أزكى من شذا البـن والهيـل
وأندى من العشب الخضر فالخميلـه

ينساق لـه قـدر ومعـزه زرافيـل
والقصد وصلـه والقوافـي وسيلـه [/frame][/align]

[align=center]لاهنت يابوشوق ولاعدمناك دائما لاتاتي إلا بالجميل والرائع
وصح لسانك يابوهياف شاعر قرم ولد شاعر ورمز من رموز ارجال ال بالحارث[/align]

[align=center]الأخ / بو شوق
تحيه عطره ملؤها احترامي لشخصك الكريم ...
وشكراً على نقل هذه القصيده وتشريفها بذلك...
هذه القصيده كتبتها لأخ عزيز وغالي وشاعر فذ أكن له ما يعلم به الله من عظيم التقدير والاحترام وهو الشاعر والاعلامي / حسين القشانين وهو كفو كما هو أنت واخواني في هذا المنتدى..... وهو القائل في ابا الحارث في قصيده المنقوله من العضو القدير (عقيد الحاره) بهذا القسم من هذا الصرح :[/align]
[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وإن ثارت الهيجاء وطارت دساميـل=ثم نقضن بيض العـذارى الجديلـه
تارد حياض الموت ورد المشاميـل=علـى قليـب العـد وقـت المقيلـه
ياجعـل تفداهـم وجيـه مسافـيـل=ضعف النفوس أهل العلوم الهزيلـه.[/poem]
[align=center]مره اخرى اشكرك اخي بو شوق ومع شكري فائق احترامي ...[/align]
[align=center]الأخ / ابن ميسان
لاهنت واسعدني تواجدك الراقي ايها الراقي...

الأخ / رويعي ... سالم بن جونان صاحب الأخلاق الراقيه والعلم الغانم دائماً ...
صح بدنك ولا عليك زود ... شرفني تواجدك العطر.

فارس بن عيبان[/align]