ياذيب قلبك جسور وهيبتك في دهاك(( فهيد زيد ))
 

(( يـــاذيــب ))

[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـاذيب قلبك جســــور وهيبتـك فــي دهــــــــاك = وعيـون الأعراب واللـه مالقت غيـر أثرك
مـن عادتك تطـــــــوي البيدا وتكسـب عشـــاك =واللـي يبي صيدتك عــــود وهـو مــــاقدرك
خلك على الرجـــم واللي يرصـــدك من اعداك = يخـــاف من جــرة أقدامـك ويخشى خطرك
لا تنـحنــي للتراب تعــــد ممشى خطـــــــــــاك = حـــاول على قـــد ماتقـــدر تبعـــــد نظــرك
ولا تحسـبــن العيـــون مغمضــــــة مـــــاتراك = النـاس هالحيـــن مايخفى عليـــــهم خبرك
ولو نـــــال منك التعـب والوقــت بيـــــح خفاك = هـــــذا نصيـبك من الدنيا وهـــــذا قـــدرك
تسمع صيــــــاح العرب ياذيب والعلــــــم جاك = ولو راعــك الغــدر بكــره مايفيدك حـذرك
خـوفك من البرد للضلــــع المهايف حــــــداك = والضلـع لويقــدر يكسـر ضلوعـك كسرك
ترميـك الأقـدار بين اللي غــــــدرك وجــــفاك = ليتـك تركـت المكــان اللي جـفاك وغدرك
تشبـعك يمنـــــاك والوادي تـحت ماعطــــــاك = غير الجفا والطعــون اللي تجي في ظهرك
احزم ضلـوعك عن اهـل الارض وابعد مـداك = عن شـوف ناس يصبون الغضب في نحرك
والناس لو تنتــــهك ضلــعك وتدخـل حمــــاك =لاتشـــره الا على عزمك وحــــــــدة بصرك
مربـــاك قتـــال ودروبـــك ظــــلام وهــــــلاك = وعـواك مسموع وفعــولك مع اللي حقرك
مـالك من الضـلع غير الجوع يطوي اشواك =والبرد يشذب عراقيبــك ويشــــوي سحرك
حـظك على الوادي اللـي مـايذري رمـاك = ولومك على اللـي على ضلع المعادي جبرك
قنيب جوفـك صدى حزنك وزفرة حشــاك = ولومنت مهيـوب محدن بالشجاعـــة ذكــــرك
يشهـد لك اللي على أحـفاده كتبـك وقراك = ولا أنت عـــالم من الصعب الزمن يختصـرك
ياوجــد حالــي عليك من الزمن لا وطـاك = وخليــت رجمـــك ومــرقابك وعبـرة قهـرك [/poem]


[align=center]الشاعر : فهيد زيد [/align]

[align=center]السلام عليكم ورحمة الله وبركاته

صح لسان الشاعر فهيد بن زيد

الله لا يهينك أخوي الغالي قلب نجران على هذا النقل المميز

قصيدة من العيار الثقيل وفي إعتقادي من أجمل ما قرأته بكل صراحة

لك تحية ملؤها الإحترام والتقدير.[/align]

[align=center]الله يحييك أخوي الغالي متروجانا والأجمل هو مرورك تحياتي لك .[/align]

[align=center]لاهنت يا قلـــ بالحارث ــــب على المرور الاكثر من رائع تحياتي لك . [/align]

[align=center]حياك الله أخوي الغالي الوااافي شاكر مرورك الاكثر من رائع [/align]