قصيدة ابن الذيب في الوالد حسين بن اسماعيل المكرمي رحمه الله
 

بسم الله الرحمن الرحيم


[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الهوى نسناس والليل ابتدى والشعـر دوبـه=يا قصيدي لا يروعك الزمن والليـل ساري
وإن مدحت أمدح رجل ذكره إيلا منهم حكوا بـه=ثارت البندق وسال الدم من روس الشباري
يا عرب نجران صيحوا من شماله ليجنوبـه=ومن علوه لين حدريه وانـا مثنـي قـراري
ووصلوا للمكرمي سلام فيـه مـن العذوبـه=ما يداوي علة المرضـان ويـرد اعتبـاري
هيبته تذكر ووقفاته مـع النـاس محسوبه=يا شذى العود المعتق يا خوي البن الهراري
ما نسينا يوم جدك ناصـر عجيـم بحروبه=تدري العجمان وابن الذيب يا العجمان داري
يكفي ان يمناك في فالصكات ما هي بمعطوبه=وشاربك ما يدسم الا من ظهر ذيب المساري
انت جدك مرجع الديـره ولا خيـب شعوبه=لك مثل ما له فعول وفيك من جدك مواري
احتزم باسـم الديانـه والعقيـده والعروبه=وانت تدري كل غمر من ضنى يام انتحاري
والقصيده في حسين ابن اسماعيل العجوبه=تجبر الشاعر يطوح غترته والضغـط ناري
جل همه كيف تفهم كـل ذا العالـم سلوبه=ما طمع في مال بنك الراجحي ولا التجاري
كل دعوه من ثمه تستحضر الغيـم وهبوبه=وكل سجده منه ترسل لي من الايمان طاري
من طهارة قلبه تشوف النظافه وسـط ثوبه=أي نعم ذا رأيي الشخصي ولا اريد استشاري
في جبينك هيبة الأقصى وعشرين الف توبه=وفي كيانك هيبة اليامي وعـزي وانتصاري
أنت كنك بارد النسناس فـي عـز الرطوبه=تبتسم وتندي الازهار وتهـب الذواري
كلما مريت قصرك قمت الد العين صوبه=كنك النصر المبين بمعركـة ذات الصواري
في ظلال الدوله اللي عزهـا عـز العروبه=يحفظ الله الملك والشيخ والصرح الحضـاري [/poem]


[align=center]وسلامتكم

اتمنى ان القصيده اعجبتكم ونالت على رضاكم[/align]