قصيدة سلطان التي يعتذر فيها للأمير سلطان بن عبد العزيز ويطلب عفوه
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الله ولا بعض السوالـف والعلـوم=تحمـل الرجـال مــلا يـقـدره

ما من وراها الا المشاكل والهمـوم=ياعنك مـا فيهـا مـن الله خيـره

عسا غضب خطلان الأيدي ما يدوم=وعسـا عمـار الطيبيـن معمـره

يا سيدي سلطان قومنـي وأقـوم=وأرجو من الله ثم منـك المعـذره

وأنا عن الزلات مانيـب معصـوم=والعفو يا كحيلان عنـد المقـدره

أنا حفيـد الـي يسـدون اللـزوم=يوم أنها كـان عبـوس وغبـره

والبيرق الخفاق من بين الرجـوم=وحدب السيوف مورده ومصـدره

بقيادة الي وحـد الدولـة عمـوم=شق الطريق ووحـد الله ونصـره

عبد العزيز الي اليا شـن الهجـوم=من صف عدوانه تضيق المقبـره

اليا صفق له خشم من بين الخشوم=من قوة الصفقه يطيحـن عشـره

واصل على خوض المعارك بالعزوم=وتقطعت عوص النجايب في ثـره

لين العلم رفرف على روس الرجوم=في ضل حـدب بالدمـي معطـره

وحنا ما غيرنا العوايـد والسلـوم=الي خلق فينا الـولاء مـا غيـره

معنا الولاء يزداد يـوم بعـد يـوم=في صدورنا حتى ولو ما نقصـره

وحكي الرخوم الي تروجه الرخـوم=والله ما غير فـي محبتنـا شعـره

يا سيدي وأن راحت الأصحاب قوم=أحد يسنـد علـم وأحـدن حـدره

فأنا دخيل حماك يا العبـد الرحـوم=لا تستمع فينا ولد ولا رجوى مره

يا مفرج الكربات يا قوي العـزوم=ملاج لمن ضامه زمانـه وعسـره

أنت الذي عن زلة الجاهل تشـوم=واليا كسرت العظم محـدن جبـره

محاسنك غيم ماهو مثـل الغيـوم=اليا اصطفق برقه يسابقـه مطـره

غيثن دومه حي يـا حـي القـدوم=يروي الفياض الجرد اليا الله أومره

ويا سيدي محدن من الطيب محروم=قلت نعـم عـن الرجـال مـدوره

ولا أنت مثل طويق من بين الحزوم=كلن تذرى فـي حيـوده وشجـره

تبي الحقيقه يا عسى عمرك يـدوم=شعر ما يكتب فيك ما فيـه ثمـره[/poem]


وبعد عفو الأمير سلطان تم الأفراج عنهم

مشكور قصيده جزله...تمنيت لوذكرت سالفتها